11 May, 2020 05:41:40 PM


ക​ണ്‍​ഫേം ഇ-ടി​ക്ക​റ്റു​ള്ള യാ​ത്ര​ക്കാ​ർക്ക് മാ​ത്രം സ്റ്റേ​ഷ​നിൽ പ്ര​വേ​ശനം: ട്രയിൻ യാത്രികർക്ക് മാർഗ്ഗ നിർദ്ദേശങ്ങൾ

​ദില്ലി: കോ​വി​ഡ് വൈ​റ​സ് വ്യാ​പ​ന​ത്തി​ന്‍റെ പ​ശ്ചാ​ത്ത​ല​ത്തി​ൽ ട്രെ​യി​ൻ യാ​ത്ര ന​ട​ത്തു​ന്ന​വ​ർ പാ​ലി​ക്കേ​ണ്ട മാ​ര്‍​ഗ​നി​ര്‍​ദേ​ശ​ങ്ങ​ള്‍ കേ​ന്ദ്ര ആ​ഭ്യ​ന്ത​ര​മ​ന്ത്രാ​ല​യം പു​റ​ത്തി​റ​ക്കി. ലോ​ക്ക്ഡൗ​ൺ പ്ര​ഖ്യാ​പി​ച്ച​തോ​ടെ നി​ർ​ത്തി​വ​ച്ചി​രു​ന്ന ട്രെ​യി​ൻ സ​ർ​വീ​സ് പു​ന​രാ​രം​ഭി​ക്കാ​ൻ റെ​യി​ൽ​വേ ഒ​രു​ങ്ങു​ന്ന​തി​നി​ടെ​യാ​ണ് കേ​ന്ദ്രം മാ​ർ​ഗ​നി​ർ​ദേ​ശ​ങ്ങ​ൾ ന​ൽ‌​കി​യ​ത്. ചൊ​വാ​ഴ്ച മു​ത​ൽ ഘ​ട്ടം​ഘ​ട്ട​മാ​യി സ​ർ​വീ​സ് ആ​രം​ഭി​ക്കാ​നാ​ണു റെ​യി​ൽ​വേ​യു​ടെ നീ​ക്കം. തു​ട​ക്ക​ത്തി​ൽ 15 കേ​ന്ദ്ര​ങ്ങ​ളി​ലേ​ക്കു സ​ർ​വീ​സു​ക​ളു​ണ്ടാ​കും.


ക​ണ്‍​ഫേം ഇ-ടി​ക്ക​റ്റു​ള്ള യാ​ത്ര​ക്കാ​രെ മാ​ത്ര​മെ സ്റ്റേ​ഷ​ന​ക​ത്തേ​ക്ക് പ്ര​വേ​ശി​പ്പി​ക്കു​ക​യു​ള്ളു​വെ​ന്നാ​ണ് കേ​ന്ദ്ര​ത്തി​ന്‍റെ മാ​ർ​ഗ​നി​ർ​ദേ​ശ​ത്തി​ൽ പ​റ​യു​ന്ന​ത്. ക​ണ്‍​ഫേം ടി​ക്ക​റ്റു​ള്ള യാ​ത്ര​ക്കാ​രെ എ​ത്തി​ക്കാ​നും കൂ​ട്ടാ​നും ആ​ണെ​ങ്കി​ല്‍ മാ​ത്ര​മേ സ്റ്റേ​ഷ​നി​ലേ​ക്ക് വാ​ഹ​ന​ത്തി​ന് പ്ര​വേ​ശ​നം അ​നു​വ​ദി​ക്കൂ. എ​ല്ലാ യാ​ത്ര​ക്കാ​രെ​യും നി​ര്‍​ബ​ന്ധ​മാ​യും പ​രി​ശോ​ധ​ന​യ്ക്ക് വി​ധേ​യ​മാ​ക്കു​മെ​ന്നും കേ​ന്ദ്രം അ​റി​യി​ച്ചു. 


മ​റ്റു പ്ര​ധാ​ന മാ​ർ​ഗ​നി​ർ​ദേ​ശ​ങ്ങ​ൾ


• രോ​ഗ ല​ക്ഷ​ണ​മി​ല്ലാ​ത്ത​വ​രെ മാ​ത്ര​മെ യാ​ത്ര ചെ​യ്യാ​ന്‍ അ​നു​വ​ദി​ക്കൂ.


• എ​ല്ലാ സ്‌​റ്റേ​ഷ​നു​ക​ളി​ലും യാ​ത്ര​ക്കാ​ര്‍​ക്ക്‌ ഹാ​ന്‍​ഡ് സാ​നി​റ്റൈ​സ​ര്‍ ന​ല്‍​കും


• എ​ല്ലാ യാ​ത്ര​ക്കാ​രും മു​ഖാ​വ​ര​ണം/ മാ​സ്‌​കു​ക​ള്‍ ധ​രി​ക്ക​ണം


• രോ​ഗ സാ​ധ്യ​ത ഒ​ഴി​വാ​ക്കാ​ന്‍ യാ​ത്ര​ക്കാ​ര്‍ ഭ​ക്ഷ​ണം, പു​ത​പ്പ്, ബെ​ഡ്ഷീ​റ്റു​ക​ള്‍ എ​ന്നി​വ സ്വ​യം ക​രു​ത​ണം


• പാ​യ്ക്ക​റ്റി​ലാ​ക്കി​യ ല​ഘു​ഭ​ക്ഷ​ണ​ങ്ങ​ള്‍, ബി​സ്‌​ക്ക​റ്റ് എ​ന്നി​വ റെ​യി​ല്‍​വേ കാ​റ്റ​റിം​ഗ് സ്റ്റാ​ഫ് ട്രെ​യി​നി​നു​ള്ളി​ല്‍ വെ​ച്ച് ന​ല്‍​കും. ആ​വ​ശ്യ​മു​ള്ള യാ​ത്ര​ക്കാ​ര്‍​ക്ക് വാ​ങ്ങാം 


• യാ​ത്ര​ക്കാ​ര്‍ എ​ല്ലാം ആ​രോ​ഗ്യ സേ​തു ആ​പ്പ് ഡൗ​ണ്‍​ലോ​ഡ് ചെ​യ്യ​ണ​മെ​ന്ന് നി​ര്‍​ദ്ദേ​ശി​ക്കു​ന്നു. എ​ന്നാ​ല്‍ ഇ​ത് യാ​ത്ര ചെ​യ്യാ​നു​ള്ള ഒ​രു ഉ​പാ​ധി​യാ​യി നി​ര്‍​ദേ​ശി​ക്കു​ന്നി​ല്ല.


ഡ​ൽ​ഹിയി​ൽ​നി​ന്നാ​ണ് എ​ല്ലാ സ​ർ​വീ​സു​ക​ളു​മെ​ന്നാ​ണ് അ​റി​യു​ന്ന​ത്. ആ​ദ്യ​ഘ​ട്ട​ത്തി​ൽ ഡ​ൽ​ഹി​യി​ൽ​നി​ന്നു തി​രു​വ​ന​ന്ത​പു​ര​ത്തേ​ക്കും സ​ർ​വീ​സ് ഉ​ണ്ട്. തി​രു​വ​ന​ന്ത​പു​ര​ത്തി​നു പു​റ​മേ അ​ഗ​ർ​ത്ത​ല, ദി​ബ്രു​ഗ​ഡ്, ഹൗ​റ, പാ​റ്റ്ന, ബി​ലാ​സ്പു​ർ, റാ​ഞ്ചി, ഭു​വ​നേ​ശ്വ​ർ, സെ​ക്ക​ന്ത​രാ​ബാ​ദ്, ബം​ഗ​ളൂ​രു, ചെ​ന്നൈ, മും​ബൈ സെ​ൻ​ട്ര​ൽ, അ​ഹ​മ്മ​ദാ​ബാ​ദ്, ജ​മ്മു താ​വി എ​ന്നി​വി​ട​ങ്ങ​ളി​ലാ​ണ് സ​ർ​വീ​സ്. 


തി​ങ്ക​ളാ​ഴ്ച വൈ​കു​ന്നേ​രം നാ​ലു മു​ത​ൽ ടി​ക്ക​റ്റ് ബു​ക്കിം​ഗ് ആ​രം​ഭി​ച്ചു. ഐ​ആ​ർ​സി​ടി​സി​യു​ടെ വെ​ബ്സൈ​റ്റി​ലൂ​ടെ​യാ​ണ് ടി​ക്ക​റ്റ്. കൗ​ണ്ട​റു​ക​ളി​ൽ ടി​ക്ക​റ്റ് വി​ല്പ​ന ഇ​ല്ല.



Share this News Now:
  • Google+
Like(s): 22